Իսպանական լիգան «Ատլետիկոյին» չի պատժի երկրպագուների' «Ռեալի» հետ խաղի ժամանակ'1:2, մրցակցի պաշտպան Մարսելոյի հասցեին հնչեցրած ռասիստական բացականչությունների համար: Այս մասին տեղեկացնում է sports.ru-ն:
Բռնությունների հարցով հանձնաժողովն այսօրվա նիստի ժամանակ այս դեպքը քննության չի առել, սակայն որոշել է այնուամենայնիվ պատժել ակումբին: Պատճառ դարձել են երկրպագուների տրիբունայից հայտնաբերված գարեջրի հինգ շշերը: «Ատլետիկոն» 37 հազար եվրոյով կտուգանվի: Ակումբին նաև պարտադրվել է կանխել «Վիսենտե Կալդերոն» մարզադաշտ ալկոհոլի մուտքը:
Հիշեցնենք, որ տանտերերի երկրպագուները Մարսելոյին անվանել էին կապիկ, ինչպես նաև մահ էին «ցանկացել» Քրիշտիանու Ռոնալդուին: Հանդիպման մրցավար Ֆերնանդո Վիտիենեսը և անվտանգության հարցերով կոորդինատորն այս բացականչությունները չեն ներառել իրենց գրառումներում:
