Ժոզե Մոուրինյոն անցկացրեց այս շաբաթվա երկրորդ մարզումը, որին մասնակցեց նաև Սերխիո Կանալեսը, ով հինգշաբթի օրը խաղացել էր Իսպանիայի Մ-21 տարեկանների հավաքականում: Կանտերանոներ Խուան Կառլոսը ու Ալեքս Ֆերնանդեսը միացել էին առաջին թիմի 8 խաղացողներին, ովքեր մասնակցեցին մարզմանը:
Իգուաինը, Գրաներոն, Ադեբայորը, Կանալեսը, Լասը, Պեդրո Լեոնը, Դուդեկը, Ադանը ու երկու կանտերանոները սկսեցին մարզումը Ռուի Ֆարիայի ղեկավարությամբ կայացած նախավարժանքից:
Երեկ կայացած մարզումը անցկացնելով առանց վազքի վարժությունների` Կրիշտիանու Ռոնալդուն սկսեց ձախ ազդրի վնասվածքից ապաքինման պրոցեսի երկրորդ փուլը, որը իր մեջ ներառում է անհատական աշխատանք ու ռեադապտացիա: Գագոն մարզվում էր խոտածածկին բոլորից առանձին:
Նշենք, որ Իգուաինը մասնակցել է ամբողջ մարզմանը ու ոչ մի խնդիր չի ունեցել:
