Օրերս, Տոտենհեմի գլխավոր մարզիչ Հարրի Ռեդնապը հայտարարեց, որ այժմ, իր թիմի երիտասարդ և տաղանդավոր աստղ Գարեթ Բեյլի տրանսֆերն ունի նույն արժեքը, որքան Ռեալի առաջատար Քրիստիանո Ռոնալդոյինն է: Այդ պատճառով, ինչպես նաև, այսօր կայանալիք Ռեալ-Տոտենհեմ հանդիպումը հաշվի առնելով,real-fc.do.am-ը ցանկանում է ներկայացնել այդ երկու հիանալի ֆուտբոլիստներին և փոքր-ինչ համեմատություն անցկացնել նրանց միջև:Ֆուտբոլային ներկա աշխարհում, Քրիստիանո Ռոնալդոն և Գարեթ Բեյլը, իրավամբ, համարվում են աշխարհի լավագույն ֆուտբոլիստներից: Նրանք արագ են, տեխնիկապես գրագետ, ֆիզիկապես ուժեղ, սակայն ո՞րն է նրանց առանձնահատկությունը և ինչ կարելի է սպասել նրանցից այսօրվա հանդիպման ընթացքում:
Բեյլը հզոր է եզրում...
Գարեթ Բեյլը, Չեմպիոնների լիգայի ընթացիկ մրցաշրջանում, եզրերից ամենաշատն է գնդակ «կախել» տուգանային հրապարակ (67 անգամ). երկրորդ տեղում է Դանի Ալվեշին, այն էլ նրան զիջում է մեծ տարբերությամբ (47): Միակ թիմը, որ կարողացել է նրան կանգնեցնել, դա եղել է Էվերթոնը, սակայն ուելսցու դեմ թիմն օգտագործել է երկու պաշտպանների՝ Ֆիլ Նևիլին և Կոլեմանին (խոսքն այս մրցաշրջանի մասին է):
Ռոնալդոն գոլահար է...
2006 թ. օգոստոսից այս կողմ, Չեմպիոնների լիգայում, միայն Լիոնել Մեսսին է կարողացել Քրիստիանո Ռոնալդոյից ավելի շատ գոլեր խփել: Արգենտինացին հեղինակել է 32 գոլ, իսկ Ռոնալդոն՝ 26: Տոտենհեմից ո՞վ կկարողանա կանգնեցել նրան, որ դուրս չգա հարվածային դիրք: Դա մի հարց է, որը պարզ կդառնա այսօր կայանալիք հանդիպումից հետո միայն:
Երկու ֆուտբոլիստներն էլ վնասվածներ ունեին կամ ունեն
Թե Ռոնալդոն և թե Բեյլը, վերջին շրջանում, ունեին վնասվածքներ և դեռ պարզ չէ, նրանք կարող են խաղադաշտում անցկացնել 90 րոպե, թե ոչ: Համենայն դեպս, վերջին լուրերի համաձայն, երկու ֆուտբոլիստներն էլ այսօր դուրս են գալու խաղադաշտ: Բեյլը՝ 28 օր չի կարողացել ամբողջական հանդիպում անցկացնել իր թիմի կազմում, քանի որ ստացել էր մկանային երկու վնասվածք: Նույնը կարելի է ասել նաև Ռոնալդոյի մասին, ով երկու անգամ՝ շուրջ երկու շաբաթ տևողությամբ, ստիպված էր բացակայել վնասվածքների պատճառով:
| | Գարեթ Բեյլ | Քրիստիանո Ռոնալդո |
| Տարիքը | 21 | 26 |
| Հասակը | 1.83 | 1.86 |
| Քաշը | 72.5 | 78 |
| Արագությունը | 36.8 կմ/ժ | 37.5 կմ/ժ |
| Տիտղոսներ | 0 | 9 |
ՉԼ-ի ընթացիկ մրցաշրջանում նրանց ցույց տված արդյունքները
| Վիճակագրություն | Գարեթ Բեյլ | Քրիստիանո Ռոնալդո |
| Գոլեր | 4 | 4 |
| Գոլային փոխանցումներ | 6 | 2 |
| Ճիշտ փոխանցումներ | 76% | 84%
|
Ֆուտբոլիստների տրանսֆերները
Միակ բանը, որ համեմատության ոչ մի եզրեր չունի, դա Ռոնալդոյի և Բեյլի տրանսֆերային արժեքն է, որը վճարել են ակումբներն իրենց ձեռք բերելու համար: Ռոնալդոն՝ Լիսաբոնի Սպորտինգից Մանչեսթեր Յունայթեդ էր տեղափոխվել 12.24 միլիոն ֆունտ ստեռլինգի դիմաց, սակայն Ռեալը նրա տրանսֆերի համար վճարել է 80 միլիոն: Իսկ Գարեթ Բեյլը՝ Տոտենհեմին արժեցել է ընդհամենը 5 միլիոն ֆունտ ստեռլինգ. ֆուտբոլիստը լոնդոնյան ակումբ է տեղափոխվել Սաութհեմպթոնից:
Վերջում նշենք, որ Ռոնալդոն Տոտենհեմի դեմ հանդես է եկել 14 անգամ և ոչ մի անգամ պարտություն չի կրել (9 հաղթանակ և 5 ոչ-ոքի):
