ՓԱՌՔ ՔԵԶ ՉԵՄՊԻՈՆ

Խոսքը «Ոսկե խաղակոշիկի» համար մղվող պայքարի մասին է, որին լուրջ հավակնություններ է սկսել ներկայացնել նաև Նապոլիի ուրուգվայցի հարձակվող Էդիսոն Կավանին, ով, կիրակի օրը, դառնալով հետ-տրիկի հեղինակ՝ իր գոլերի քանակը հասցրեց արդեն 25-ի: Այդ ցուցանիշով, նա արդեն հավասարվել է Դի Նատալեին, իսկ առաջատարներ Մեսսիին և Ռոնալդոյին զիջում է ընդհամենը երկու գոլով:

Հետաքրքրական է, որ շուրջ երեք շաբաթ առաջ, երբ պատրաստել էինք վերը նշված հոդվածը, Ռոնալդոն և Մեսսին ունեին նույնքան գոլ, որքան հիմա, այսինքն՝ այդքան ժամանակ չեն կարողացել գրավել մրցակցի դարպասը, մինչդեռ Կավանին իր գոլերի պաշարն այդ ժամանակահատվածում ավելացրել է հինգով: Այդ հարցում անհաջող է սկսել հանդես գալ նաև Դի Նատալեն. իր գոլերի քանակը նախորդի հետտ ավելացրել է ընդհամենը մեկով:

Ձեր ուշադրությանն ենք ներկայացնում «Ոսկե խաղակոշիկի»՝ Եվրոպայի լավագույն ռմբարկուի հավակնորդների ցանկը.

Քրիստիանո Ռոնալդո (Ռեալ) - 27 գոլ
Մեսսի (Բարսելոնա) - 27
Դի Նատալե (Ուդինեզե) - 25
Էդիսոն Կավանի (Նապոլի) - 25
Դիմիտար Բերբատով (Մանչեսթեր Յ.) - 20
Մուսա Սոու (Լիլ) - 20
Սամուել Էտո'Օ (Ինտեր) - 19
Կառլոս Տևես (Մանչեսթեր Ս.) - 19
Պապիս Սիսե (Ֆրայբուրգ) - 19
Մարկո դի Վայո (Բոլոնիա) - 19
Մարիո Գոմես (Բավարիա) - 19